Korxona to‘g‘risida

Korxona to‘g‘risida

“Toshshaharnur” korxonasi 1949-yilda Toshkent shahrining ko‘cha yoritish elektr tarmoqlarini tashkil etish va ularga xizmat ko‘rsatish uchun tashkil etilgan.

Toshkent shahar hokimiyatining 2004-yil 6-apreldagi 263-sonli qaroriga asosan “Toshshaharnur” ishlab chiqarish birlashmasi “Toshshaharnur” davlat unitar korxonasiga aylantirildi.

Korxonaning muassisi — Toshkent shahar uy-joy kommunal xizmat ko‘rsatish bosh boshqarmasi hisoblanadi. Mulk davlat mulki hisoblanadi va “Toshshaharnur” davlat unitar korxonasiga tezkor boshqaruv uchun berilgan.

  Asosiy vazifalari – Toshkent shahrining avtomobil yo‘llari, markaziy, magistral va tuman ahamiyatidagi, uy-joy mavzelari va xususiy sektordagi ko‘chalarning yoritilishini ta’minlash, ko‘chalarni turli ob’ektlarni, tarixiy  yodgorliklar va me’moriy inshootlarni  illyuminatsiya chiroqlari bilan bezatish.

   Korxona harajatlarning IV guruhi bo‘yicha byudjetdan oluvchi hisoblanadi (ko‘cha yoritish tarmoqlarini saqlab turish uchun moliyalashtirish byudjetdan 100 foiz).

   Xodimlarning umumiy soni – 760 kishi,  shu jumladan, ma’muriy boshqaruv xodimlari- 65 birlik, tumanlar elektr yoritish tarmoqlaridagi tarmoq xodimlari va ishchilar  496 kishi, xaydovchilar – 199 kishi.

 “Toshshaharnur” DUK o‘z vazifalarini bajarish uchun quyidagilarga ega:

• — 13 ta ma’muriy hududiy  tumanlarda joylashgan 12 ta tashqi yoritish tarmoqlari va hukumat trassasiga xizmat ko‘rsatuvchi markaziy hudud bo‘limi     
• — 124 dona mashina va mexanizm, shu jumladan 47 dona avtogidroko‘targich mavjud bo‘lgan “Avtoxo‘jalik” xizmatiga;
•   — illyuminatsiyali konstruktsihalarni, osilmalarini o‘rnatish va tasarruf etish, hamda ularga xizmat ko‘rsatish uchun “Maxsusnur” xizmatiga;
•    — ko‘cha yoritish tarmoqlarini boshqaruvchi markaziy dispetcherlik punkti;
•    — maxsus texnika bilan jihozlangan elektrotexnik laboratoriyasiga.    “Toshshaharnur” DUK qoshida “AVTOTA’MIRNUR” sho‘ba korxonasi faoliyat yuritadi.

“Toshshaharnur» DUK pasporty

• Shtat: 760 kishi
• Dispetcherlik xizmati: tel: (71) 232-20-20 (71) 230-20-20
• Mavjud texnika soni:  124 dona
• Yoritish moslamalari soni:  153696 dona
• Boshqarish qutilari soni:  1789 dona
• Tarmoqlar umumiy uzunligi:  4221,9 km
• 2024 yilda elektr energiya sarfi: 39800389 kVt/s
• O‘rtacha kunlik elektr energiya sarfi: 110560 kVt/s Ko‘cha yoritish tarmoqlarining umumiy quvvati:  12 766 kVt